وبدأت توابع بن عزيزي تظهر في مصر

زي مابقول كل مرة...ننام..نقوم, نلاقي خازوق جديد في حياتنا

النهارده لسه بفتح تويتر واستفتح, لقيت قلم نازل يلسوع صداغي... مواطن مصري يشعل النار في نفسه أمام مجلس الشعب وهو يردد هتافات ضد أمن الدولة.... يا دين أمي!!! إيه ده؟

أنا معنديش تفاصيل والخبر منشور في  البديل  والمصلحجي اليوم  ...بس أنا برضه مش مصدق!

زي ماقلت في البوست اللي فات  إني خايف المصريين يشوهوا ثورة تونس بأفعال غريبة...وبرضه مش حاستبق الاحداث وحستنى لحد ماالموضوع يبان لبته

يارب... استرها مع عبيدك ...الناس على اخرها...وعايزين المرة دي تيجي على خير وتتم بحمد الله ونقول بن رفضي حصل بن علي 

ياااااارب    يااااااارب


تحديث: برضه من البديل... المواطن بتاع الاسماعيلية حرق نفسه عشان كوبونات الخبز (العيش يعني ) يا لطيف !!!!


تحديث: 18-1-2011,  النهارده 2 بقى مش واحد... واحد في اسكندرية  وواحد  قصاد مجلس الشعب... بركاتك يابو عزيزي... هااه يا ناس؟ الناس كتر ألف خيرهم...ولعوا في نفسهم وعملوا أحلى دور واجب... فهل من مستجيب؟ ولا برضه حنصدر الطرشة والحمرا؟


تحديث تاني 18-1-2011:  تفاصيل من البديل عن أول واحد ولع في نفسه ..... حقيقي شعب متدلع... واخد حريته بزيادة.. لمدعي القهر والكبت..أهوه الواحد حر يعمل اللي هو عايزه...عايز تاكل؟ كل.... عايز تشرب؟ اشرب... عايز تولع في نفسك؟ اتحرق بجاز حتى... 


حقيقي مش عارف اوشي وري من الحكومة فين! أنا من هنا  احب اوجه اعتذر عن كل ما بدر مني في حقكم!