إذا الشعب يوما أراد الحياة... فلابد أن يستجيب القدر
ولابد لليل أن ينجلى... ولابد للقيد أن ينكسر
رحم الله أبا القاسم الشابي...كتبها قديما و نفذها ابناء وطنه حديثا
كلنا حفظنا الابيات دي من ايام الدراسة...حفظ من غير فهم طبعا.....أو يمكن حفظ باستخفاف {يعني إيه "أراد الحياة"؟ هو البعيد ميت يعني؟ } آه..البعيد ميت...وماتقوليش "اوعى تكفر بالنعمة أحسن تزول من وشك" عشان ضغطي عالي اليومين دول...
الواحد بيخاف يفتح بقه عشان ما يبقاش بيكفر بقسمة ربنا وقضائه ..مظبوط؟ لأ مش مظبوط.. تعالالي هنا
طب قبل مانبدأ , هلا هلا عالجد...والجد هلا هلا عليه... أنا في بوست قبل كده قلت إني مش عاجبني الطريقة اللي اترتب بيها يوم 25 يناير, ولكن من باب الأمل وعدم المساهمة في زيادة احباط الناس (مع إن مش ده كان القصد من البوست اياه ) قررت اشارك...
ماهو أنا مش أحسن من حد...و ماينفعش اتريق على اللي فارضين وصايتهم عالناس وانضم لمعسكرهم! أنا زيي زي أي حد عايز يشوف التغيير حاصل بصورة كويسة ينضرب بيها المثل في السلم ...خلاص مش حقول تحضر وبطيخ..زمن ال..... خلاص.. محدش فاهم حاجة..على رأي اللمبي معلم الاجيال
القصد....الفكرة إني كنت آمل في ضربة واحدة فقط لا غير... ضربة قاضية... عشان مش بحب خناقات الشوارع اللي كلها شتيمة شتيمة وتلطيش من بعيد, انما مفيش حاجة بتحصل فعلا! تضييع وقت وفش غل وأنا زهقت من الفش... زي ماقلت قبل كده إن حلة الضغط عندنا في البلد منفسه...عشان كده مفيش اكلة عمرها استوت! ده غير إن اللي ما يتسموش عمالين يتفرجوا ويضحكوا ويقولك بقى هو ده اللي عندك؟ طب يا حلو...كموااان
النظام بقى مستكنيص من المظاهرات...لو عدا يوم من غير مظاهرة الشعب ينفس فيها بيقلقوا ويحاولوا جاهدين ايجاد أي شيء مستفز يدفع الناس للتظاهر...وكمان بيحطوا عوامل حفازة وسط المظاهرات لزوم البهارات....
بس برضه.... مادام فيه ولو بصيص امل إن يوم 25 يجيب نتيجة, أو حتى يعمل صداع...يبقى مرحى مرحى يا رفاق ...ورفاق دي بتاعة السلاحف, مش بتاعة الشيوعيين, وده بس عشان الأخ البصمجي اللي بيلف عالمدونات يكتب تقارير ويفصل حبشتكنات ...ايوه أنت...إيه؟ حتعمل فيها عبدة؟
من الآخر... 25 يعني 25 ....وانشالله ماحد حوش...وياللا يارمان
و لازم استحضر روح أبي القاسم الشابي واستعير ابياته .... لكن بناء على ماتقدم... أجد نفسي مضطر أطالب بتعديل طفيف على الابيات لتتفق مع الوضع الراهن في وطننا العربي السعيد..
إذا الشعب يوما أراد الحياة... فلا بد أولا ان يتحرق
ويدلق على نفسه جركن جاز... عشان يسبب لحكامه القلق
I am tunisian and I m with you but try to rassemble on facebook twitter blogs or anything else... If these sites are blocked use proxies to access them that's what we've been doing last 5 years...(like hotspot shield)
ReplyDeleteTonnes of greetings to our brothers in Free Tunisia :-))))
ReplyDeleteGood point, I'll try to work on that :))
Hopefully, one day, we can really have ONE arab-world! no freaking borders, no boundaries and on top of all, no mutual hatred :P
im wz u too bro. that we are very close from change
ReplyDeletei hope my children will live better than me
and i hope Egypt will be better than this
yaaaaa rab :)
note: belra3'm mn alfazak el baze2a .. i love ur way :D lol
التغيير جاي يعني جاي... ده ما فيهوش نقاش...الفكرة انه يحصل النهارده قبل بكره إن شاء الله...
ReplyDeleteكفاية علينا كده...
ومعلهش عالالفاظ العنيفة ...لو لاحظت حتلاقي كل لفظة بتخدم النص وموظفة توظيف درامي عنيف...واشاسا كل دقيقة بتعدي علينا في الشارع اوسخ ميت مرة من الالفاظ دي...
نيجي على نفسنا ونعصر شوية لمون من بتوع ثمار التنمية :)
kda el kalam mazbout...
ReplyDelete