Tuesday 19 July 2011

سيادة المستشار #Egypt #Jan25

التدوينة دي مش هجوم على شخصه....ولكنها ملاحظة من العبد لله   ممكن تكون في محلها أو مجرد صدفة خير من ألف ميعاد

طب بص كده  عالصورة حتفهم قصدي

قبل

بعد


هااه؟

قبل كان لابس قميص مفتوح , باصص في وشك مباشرة ومبتسم

بعد بقى لابس بدلة بكرافتة , باصص في اتجاه بعيد عنك ومتجهم


هل الصورة اتغيرت لتتماشى مع مهام المنصب الجديد؟

كنت تفتح الشروق  تبص على الجزء الشمال من الصفحة عشان تلاقي عاموده

جت الثورة الينايرية الطاهرة وطلع من رحمها رئيس وزراء ينايري  هو السيد الدكتور عصام شرف...لولولولولولولولوليييييييييي * زغرطي يا مدموازيل انشراح *  وقام جايب معاه الدكتور معتز بالله عبد الفتاح مستشار سياسي له ...من ساعتها, حد فهم حاجة من عموده في الشروق؟ أنا عن نفسي أقطعه من لغاليغه لو حصل...آه وشبكة العشرة دول

هي المناصب بتغير فعلا؟
مجرد سؤال مش مستنيله اجابة



Sunday 10 July 2011

خلاصة الكلام #Egypt #Syria #Tunisia #Yemen


من لندن للتحرير ...يسقط يسقط المشير ... #Jul8 #Tahrir #NoSCAF

مش عشان بعيد عنك يا مصر نبقى ناسيينك

دي أجزاء من مظاهرات المصريين في لندن يوم الجمعة 8 يوليو بالتزامن مع التحرير

عددنا يمكن مش كبير...وصوتنا يمكن مش واصل...ومحدش حيعبرنا ده أكيد....لكن.....مش ساكتين






شالوا مبارك جاب شيخ منصر..يسقط يسقط حكم العسكر #UK #July8