يظهر إن الدولة متبنية سياسة الاغراق
ننام نصحى نلاقي انتخابات خلصت وكله تمام التمام
ننام نصحى نلاقي واحد بلع بانجو
ننام ..لأ ده قبل ماننام..نلاقي كنيسة اتفجرت و بشر ماتوا
ننام نصحى نلاقي موظفين سفارتنا في الرياض بيحرضوا الأمن السعودي يرن مواطن مصري علقة "جوة السفارة المصرية", يعني يمس السيادة...والسبب انه على خلاف مع السفير
ننام نصحى نلاقيهم مسكوا رأس الأفعى الانتحاري اللي مات أثناء تفجير الكنيسة وخدوه يدردشوا معاه والراجل من فرط اندهاشه جاله هبوط حاد في الدورة الدموية وانتقلت روحه لبارئهـا
مش يمكن العيب فينا؟ اننا نايمين؟
أو العيب فينا برضه...إننا صحينا؟
رأيي الشخصي المتواضع اللي مايهمش أي حد ومالوش أي لازمة هو حاجة من اتنين
نبطل نوم ونصحى
أو
ننام وما نصحاش تاني
ولا عزاء لذوي الضمائر الحية
No comments:
Post a Comment