عيد سعيد عليكم جميعا إن شاء الله...
"عيد سعيد على المسلمين والمسيحيين واليهود وأي حد لما اتسأل: بلدك إيه؟ قالهم "مصر
مادام بتقرا دلوقتي يبقى أكيد عندك كمبيوتر يعني حالتك أحسن من ناس كتير والحمد لله...
عندكم لحمه؟ حتعملوها بخضار ؟ ولا عندكم منها كتير وحتشووها ؟ طب يا سيدي حقك عليا ماتزعلش...مش بحسد...ربنا يزيد ويبارك..
شفت اللي بيحصل بره؟ لا...مخك مايروحش بعيد ..مش حقولك فلسطين عشان زي الناس مابيقولوا انهم باعوا قضيتهم وخونه وعملاء وكخ كمان...أنا قصدي بره بيتك ...بره باب بيتك ...شفت كام واحد بيتسحلوا يوميا؟ كام واحد بيتبهدل لمجرد انه لسه حاسس انه بني آدم مش حمار مربوط في عربيه كارو ومغمين عينيه .....
تضمن منين إن الدور مش عليك؟ مش شرط تكون وطني وناشط...كله ممكن يحصل صدفه وتروح في الرجلين... وكابتن لطيف الله يرحمه قالها...الجون بييجي في لحظه
حد فاكر خالد سعيد؟ المدمن بتاع البانجو اللي حاول يهرب من حماة الوطن اللي كانوا سهرانين على حمى الوطن وخد جزاؤه طبعا وبلع لفة البانجو .... كل سنه وهو طيب ...
سمعتوا عن احمد شلبي؟ اللي سرق موبايل وخد جزاؤه اللي يستحقه برضه ...كل سنه وهو طيب.....
قبل ماتاكل من الفته ...افتكر إن فيه ناس مش لاقيه العيش الحاف... كل سنه وانت طيب
افتكر الناس اللي طلعان دين ابوها يوماتي عشان علبة دوا...كل سنه وأنت طيب..
افتكر شهدائنا...مش بتوع أكتوبر...لأ ...بتوع طوابير العيش..... كل سنه وأنت طيب...
ليك حد بياكل خضار؟ ايوه يا عمي ..اللي مروي بمية المجاري.....كل سنه وانت طيب..
طب حد اتشرد واترفد أو طلع معاش اجباري بعد ماشركته اتباعت لمستثمر اجنبي عشان يطلعها من زنقتها عشان كانت بتكسب ومخليه منظر البلد وحش .....كل سنه وانت طيب...
تعرف حد راح مستشفى حكومي أو خاص وخد اللي فيه النصيب وطلع عنده أكتر من اللي دخل بيه ؟ كل سنه وانت طيب
حاولت تسأل عن حقك؟ أو حد يقولك إن ليك حق من اساسه؟ كل سنه وانت طيب...
كل سنه وانت طيب.... وعيد بعد عيد امجدنا تكتر وتزيد...
أنا اسف بقى...المرة دي مفيش حفظي...اصله واخد اجازه عشان يزور اهله في البلد ...أنزل أنا بالتر ......
ياللاا...انزل يا تتر....يا تتر انزل...
تضمن منين إن الدور مش عليك؟ مش شرط تكون وطني وناشط...كله ممكن يحصل صدفه وتروح في الرجلين... وكابتن لطيف الله يرحمه قالها...الجون بييجي في لحظه
حد فاكر خالد سعيد؟ المدمن بتاع البانجو اللي حاول يهرب من حماة الوطن اللي كانوا سهرانين على حمى الوطن وخد جزاؤه طبعا وبلع لفة البانجو .... كل سنه وهو طيب ...
سمعتوا عن احمد شلبي؟ اللي سرق موبايل وخد جزاؤه اللي يستحقه برضه ...كل سنه وهو طيب.....
قبل ماتاكل من الفته ...افتكر إن فيه ناس مش لاقيه العيش الحاف... كل سنه وانت طيب
افتكر الناس اللي طلعان دين ابوها يوماتي عشان علبة دوا...كل سنه وأنت طيب..
افتكر شهدائنا...مش بتوع أكتوبر...لأ ...بتوع طوابير العيش..... كل سنه وأنت طيب...
ليك حد بياكل خضار؟ ايوه يا عمي ..اللي مروي بمية المجاري.....كل سنه وانت طيب..
طب حد اتشرد واترفد أو طلع معاش اجباري بعد ماشركته اتباعت لمستثمر اجنبي عشان يطلعها من زنقتها عشان كانت بتكسب ومخليه منظر البلد وحش .....كل سنه وانت طيب...
تعرف حد راح مستشفى حكومي أو خاص وخد اللي فيه النصيب وطلع عنده أكتر من اللي دخل بيه ؟ كل سنه وانت طيب
حاولت تسأل عن حقك؟ أو حد يقولك إن ليك حق من اساسه؟ كل سنه وانت طيب...
كل سنه وانت طيب.... وعيد بعد عيد امجدنا تكتر وتزيد...
أنا اسف بقى...المرة دي مفيش حفظي...اصله واخد اجازه عشان يزور اهله في البلد ...أنزل أنا بالتر ......
ياللاا...انزل يا تتر....يا تتر انزل...
No comments:
Post a Comment