مبروك للاسماعيلي....و هيهيهي للأهلي
ده حتى الزمالك فاز على المصري...
ده حتى الزمالك فاز على المصري...
يا دين النبي..... الاهلي ؟ هو أينعم حياخد الدوري بالتزكيه أو بالاستفتاء ..بس برضه ..كله إلا الاسماعيلي أو الزمالك
اللي عاجبني هو إن حتى الدوري هبت عليه رياح التغيير
واللي عاجبني قوي قوي قوي قوي بقى هو مدى الانتماء للنوادي....يعني الاهلاوي صميم...والزملكاوي ايمانه لا يتزعزع مهما الزمان حط عليه ...أما الاسماعيلاوي دماغه عاليه ...مالوش في سكة نوادي التكويش واللي تغلب به العب به....هو عايز يستمتع ويتمزج...
يييييه ....انحرفت عن الموضوع ...أنا كنت باتكلم على الأهلي والإسماعيلي والزمالك ... الانتماء له طلعه تانيه باشخبط فيها دلوقتي
الماتش طول ماهو شغال والجون نازله تصفر في شبكة الاهلي وصباح الجانج -بانج ....كانت الجماهير ماسكه في رقبة حسام البدري ...
لييه؟ عشان اخفق...ودعوني افعص اللفظه دي...أخفق.... يا فاشل يا فااشل....
الفاشل اخير دفعته بقاله فوق السنه في المنصب وأداؤه مش عاجب الجماهير.........( صمت رهيب )........ خدت بالك من حاجه؟ لأ بجد...خدت بالك؟ لسه؟ الناس فعلا عارفه يعني إيه مسئول أداؤه مش مرضي ....ومفيش صبر ..يعني هو ماتش واحد وانزل على ودنه ...لقد فشلت يا فاشل يا فاشل....
طب لو فيه نادي له مشجعين كتير فشخ ....ومجلس الاداره معين مدرب ...وكل ماتش يتعادل.. (مش حقول يشيل زلط) وطبعا التعادل مش حيخليه ياخد ولا دوري ولا كاس ولا حتى برطمان عسل نحل التمساح ! و الجماهير كل ماتش تحضر وتطلع تقول هو احنا ماينفعش نكسب ؟ ييجي مجلس الاداره يقولهم المفروض تفرحوا...خطة المدرب وحكمته جنبتنا الخساره ...
ويطلع اخونا في كل مؤتمر صحفي يبرر ويقول يا جماعه أعمل إيه؟ النادي فيه لعيبه بالعبيط ..أعمل إيه؟ مقدرش العبهم كلهم... دي غلطة الاعضاء ...عمالين يجيبوا لعيبه ...
بس للامانه يعني كان أحيانا يكسب ماتشات وديه ..
المهم , كنتوا حتقولوا إيه عالمشجعين دول ؟
هاه ؟ وصلت؟
احنا مازهقناش من التعادل ؟
مافيش مره نكسب ماتش رسمي ؟
طب حتى نجيب جون ...بس مش في نفسنا
ماينفعش نعيش طول عمرنا مستنيين عدالة السماء تنزل على استاد بالرمو ....في الدقيقة 40..... في الدقيقه 38 .... مجدي عبد الغني وضربت جزاء... عملوها المصريين...انجاز...اعجاز...النهاردة عيد قومي يا جماعه...
ادينا رضينا بالهم ...بس الهم مارضيش بينا..... ولبسنا في الماتش اللي بعده وطلعنا شكلنا وحش ...
محدش بياخد الدوري وهو بيتعادل في كل الماتشات
أنا عن نفسي...عايز اغير المدرب....
حد تاني نفسه نكسب ماتش ؟
No comments:
Post a Comment