وقف الخلق ....جميعا.....ينظرون كيف ابني قواعد المجد وحدي...
ياه!!! منذ بدء التاريخ والمصريين اندال ...سايبين الوليه بتبني ومحدش فكر يمد إيد يساعدها ولا يشيل عنها ولا يعزم بشوية شاي البراد الازرق .... ومش كده وبس...دول واقفين يتفرجوا.......ناقص كمان كان حد يستعجلها عشان لسة وراها غسيل وطبيخ وتذاكر للعيال... (يووه اقطع نفسي يعني؟ كان عليا بإيه ده بس يا ربي؟) مممم
حد ملاحظ إن الكلام ده هو بالضبط اللي بيحصل دلوقتي؟
والأغنية مع إن في ظاهرها وطنيه وعنيفه...بس فاضحانا فضيحة السمكة في طاسة القليه...
الندالة متأصلة.....بس دي فعلا ندالة ولا المصري حويط من يومه؟ يعني مثلا يكون مستني حبه عشان يتأكد إن محدش حاييجي يقولها إيه يا وليه اللي إنتي بتعمليه ده؟ سايبه هيا تبني قواعد ومجد وكلام الشعارات بتاع الستينات ده (مقتبس من نوارة نجم بس عشان ندي الحق لصاحبه ) مش فيه تراخيص (مش فييييه جهااااااااااز؟ ايوه يا عم مليجي, إيه يابا إنت طالع مطلع ولا إيه ؟) وورق لازم يخلص قبل ماتبني ولا هي سايبه؟ ياللا ياد منك له شيلوا الهجص ده بسرعه
ولا يكون الموضوع كسل فعلا وتواكل, بمعنى إن ليه تدفع أكتر لما ممكن تدفع اقل؟ وليه تشتغل من اساسه إذا كان فيه حد ينجز بدالك ؟ هو ده المصري فعلا؟...عايز اللي يعمله شغله وهو يقف يتفرج يشجع...ومش بعيد يدي اوامر كمان...ولا التعميم خاطئ؟ طب ليه المصري بيفلح بره بلده ويشتغل زي الحصاوي عدم اللامؤاخذة ؟ حبا في العمل فعلا؟ ولا عشان عارف إن مفيش حد حيمسحله القله لو عك؟ وإن كل واحد يمسح لنفسه!
رأيي الشخصي المتواضع جدا خالص مالص بالص تالص نالص إن المصري بيحسبها بالسحتوت (صح ولا مش صح مش ده موضوعنا دلوقتي )...يعني هم 10 (متر) بنزين , يبقى يادوب يمشوني 50كيلو ...انما يدولي 10 بنزين ويقولوا تعالى من السلوم لحد اسوان؟ تبقى لامؤاخذة اسمها إيه دي ناشفه (علوقيه للي مفهمش ) إلا في حالات معينه لما بيكون الواحد حاسبها (اصح ) وعينه على حاجه تانيه قدام لسه..يعني بيرمي لبعيد...
بس بالله عليكم ....في إيه دلوقتي يخلي الواحد يبص لبعيد إذا كان مش شايف تحت رجليه أشاسا !! أسترها ياللي بترمي سترك عالولايا
ولا يكون الموضوع كسل فعلا وتواكل, بمعنى إن ليه تدفع أكتر لما ممكن تدفع اقل؟ وليه تشتغل من اساسه إذا كان فيه حد ينجز بدالك ؟ هو ده المصري فعلا؟...عايز اللي يعمله شغله وهو يقف يتفرج يشجع...ومش بعيد يدي اوامر كمان...ولا التعميم خاطئ؟ طب ليه المصري بيفلح بره بلده ويشتغل زي الحصاوي عدم اللامؤاخذة ؟ حبا في العمل فعلا؟ ولا عشان عارف إن مفيش حد حيمسحله القله لو عك؟ وإن كل واحد يمسح لنفسه!
رأيي الشخصي المتواضع جدا خالص مالص بالص تالص نالص إن المصري بيحسبها بالسحتوت (صح ولا مش صح مش ده موضوعنا دلوقتي )...يعني هم 10 (متر) بنزين , يبقى يادوب يمشوني 50كيلو ...انما يدولي 10 بنزين ويقولوا تعالى من السلوم لحد اسوان؟ تبقى لامؤاخذة اسمها إيه دي ناشفه (علوقيه للي مفهمش ) إلا في حالات معينه لما بيكون الواحد حاسبها (اصح ) وعينه على حاجه تانيه قدام لسه..يعني بيرمي لبعيد...
بس بالله عليكم ....في إيه دلوقتي يخلي الواحد يبص لبعيد إذا كان مش شايف تحت رجليه أشاسا !! أسترها ياللي بترمي سترك عالولايا
ملحوظه : يظهر والله اعلم إن مصر حملت و خدت اجازة وضع وبعدها كام سنة بدون مرتب عشان باين انهـما لحقتش تخلص القواعد ....حتى بص كده؟ في كام قاعدة مش موزونين
فاصل ونشوف اللي حاصل...
هااه...يا حفظي...التتر فين يا حفظي ؟إيه يا خويا؟ أنزل أنا بيه المرا دي ؟؟شوفوا اهه
No comments:
Post a Comment