احقاقا للحق...وزي ما حطيتله الفيديو الأولاني بتاع "مدنية يعني أمك تقلع الحجاب"...كان لازم أنشر الفيديو ده برضه اللي حازم شومان بيعتذر فيه للدكتور البرادعي عن كلامه وهجومه وتجريحه
بس طلب أخوي...بعد ما تتفرج عالفيديو...فكر في كلامه...
الأستاذ عذره ان الإعلام المضلل اللي كلنا اتكوينا بناره هو السبب...وانه كان مضلل...وضحكوا عليه ...ومش بعيد يقول شربوه حاجة اصفره...
تاني تامر حسني؟ تاني سماح أنور؟ تاني عمرو مصطفى؟
طب دول وقلنا وعدنا وزدنا عليهم وقد إيه ثقافتهم ضحلة وبلا بلا بلا...صح؟
جيتم يا حلوين قلتوا إن دول بيجدفوا وبيهيسوا انما احنا بتوع الدين...احنا اللي مصلحتكم معانا...احنا اللي واللي...والواحد لازم يسمع كلامه حتى لو قال أي حاجة
ودلوقتي احنا اخطأنا ومعلش بقى وجل من لا يسهوا وكنت بهزر ومن الفرحة وأنتم ماسكين لنا عالواحدة؟
طب وضحلي أنا في عرضك....أنت منزه ومعصوم؟ ولا زيك زينا بتغلط وكلامك يترد عليه وعادي يعني بشر؟
أصل حسب ذاكرتي ان أيام غزوة الصناديق كان الواحد اما مع الشيوخ ونعم...أو شكله وحش مع الليبراليين والعلمانيين
يعني قلبتوها أبيض أو زفت أسود... ودلوقتي احنا امامير وكتاكيت
وفي الآخر لما لقيت إن الناس مش بيخيل عليها...رجعنا نتمسح في الدين...وديننا علمنا كده...ديننا علمنا السماحة والإعتذار لما نغلط
وبتسألوا ليه كل الإعلام العلماني الملحد بيكره السلفيين وبيشن حملة شعواء عشان يشوه صورتكم؟
حد يفكرني كده... ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ه(
أبسط قواعد احترام النفس أنك تسأل وتدور...خاصة إذا كانت المعلومات مرطرطة في كل داهية والناس بتبوس **** عشان تقرأوا بدل ماتنساقوا ورا سرايا وكمال والقط...
ومش الإعلام الحكومي هو هو نفسه اللي كنت بتحذر الناس منه عشان مليان تضليل؟؟؟
جيت أنت صدقته؟؟
واستشهدت بكلامه؟؟
وطلعت على منبر وخطبت في ناس سلمتلك عقولها بكلام نفس الاعلام المضلل اللي بتحذر منه؟؟؟؟؟
لامؤاخذة يا منعم ....لا مصداقية
No comments:
Post a Comment