إيه الوطن؟ الحب و السلام سألوا السؤال ده من فترة ومش لاقي له اجابة
هل الوطن هو المكان اللي بيتولد فيه الانسان؟
اللي بيتربى فيه؟
اللي أهله فيه؟
ولا مطرح ماتحط راسك يبقى الوطن؟
طب الوطن هو المكان اللي فيه بتتعامل كويس؟ ولا فيه بتاخد على دماغك؟
سهل عالواحد يصحى الصبح يحط هدومه في شنطته ويشد الرحال على مكان جديد؟ أهي كلها بلاد ربنا...بشوف الخواجات هنا ماشاء الله عادي, الواحد يجيله تليفون فيه عقد في المكان الفلاني كام شهر يقوم طاير, وهناك تليفون تاني لما تخلص فيه حتة تانية يقوم رايح......وباستغرب
نموذج تاني بس مصغر في الشغل...ناس تحب تشغل بعقود مؤقتة عشان يبقوا أحرار نفسهم ومحدش له عندهم حاجة و ناس تحب تتثبت وتعيش وتموت في نفس الشغل
وناس بتروح وناس بتيجي.....وأنا مش عارف...ومش فاهم...ومش لاقي لسؤالي اجابة
الوطن هو المكان اللي بنقعد فيه ولا المكان اللي بنهرب منه؟
الكلام غ في دماغي لما فتحت أرشيفي وافتكرت أغنية من أجمل ماكتب الحب والسلام -في رأيي الشخصي- "ابن الجنوب" ... كلماتها:-
تبيع ماضيك؟
تبيع ملامح عايشة فيك؟
وتشتري كدب الحياة؟! ه
لكن السؤال....يابن الجنوب...يابن القلوب الطيبين
هي المدن بالنسبة ليك تنفع وطن؟
إيه الوطن؟
قطر الصعيد بيرمي ناس في كل يوم فوق الرصيف
بيشدهم صوت الرغيف
وأنت واحد منهم...والعود نحيف
والخطوة في زحام المدن لازم تضيع
مكتب عليك من قبل ماتشتري...لازم تبيع
إيه الوطن؟
___________________________
No comments:
Post a Comment